२०८१ साउन ४, शुक्रबार
Health Aawaj logo
गृहपृष्ठसमाचारकानुन विपरित केही काम नगरेको ह्याम्स अस्पतालको दावी

कानुन विपरित केही काम नगरेको ह्याम्स अस्पतालको दावी


काठमाडौं—ह्याम्स अस्पतालले कोरोना महामारीको समयमा स्वास्थ्य मन्त्रालयको मापदण्डअनुरुप नै काम गरिरहेको जनाएको छ । अस्पतालले बिरामी भएर ह्याम्स अस्पतालमा सेवा लिने क्रममा कोभिड–१९ पोजिटिभ देखिएको चिकित्सकलगायतको टोलीले नेपाल सरकारले तोकेको अस्पतालमा जान र सो अस्पतालमा निःशुल्क उपचार लिन बिरामीसँग आग्रह गरेको जनाएको छ ।

शनिबार विज्ञप्ती प्रकाशित गरी बिरामीबाट अस्पतालमा उपचार गर्ने र अस्पतालले तोकेको शुल्क तिर्ने मन्जुरी दिएको अवस्थामा मात्र मन्त्रालय तथा अस्पतालले तय गरेको गाइडलाइनका आधारमा उपचार गरिने उल्लेख गरेको छ ।

साथै पिसिआर रिपोर्ट पनि निर्देशिका बमोजिम बिरामीको आवश्यकताअनुसार मन्त्रालयले तोकेको अस्पतालमा टेष्ट गर्न पठाउने गरेको दावी गरेको छ ।

अस्पतालले घाटा खाएर पनि सेवा दिइरहेको जनाउँदै नेपाल सरकार, सम्पूर्ण व्यवसायी, ब्यक्ति एकजुट भई कोभिड–१९ को विरूद्ध सामूहिक लडाइ आवश्यकतासमेत उल्लेख गरेको छ ।

ह्याम्स, ग्राण्डी र नेपाल मेडिकल कलेज अस्पतालले कोभिड—१९ निर्देशिका विपरित पैसा लिएर कोभिड—१९ को पिसिआर जाँच गरेको विषयमा हेल्थ आवाजले समाचार प्रकाशन गरेको थियो । सो समाचार प्रकाशन भएसँगै स्वास्थ्य तथा जनसंखया मन्त्रालयले मन्त्रालयका उपसचिव पानबहादुर क्षेत्रीको संयोजकत्वमा छानविन समिति गठन गरेको थियो ।

त्यस्तै कोरोना संक्रमितलाई अस्पतालको आइसोलेसनमा राखेर महंगो शुल्क लिएको भन्दै समाचार प्रकाश भएका थिए । सो विषयमा अस्पतालले खण्डन गर्दै विज्ञप्ती निकालेको हो ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ