काठमाडाैं-विराट मेडिकल कलेजका संचालक डा. ज्ञानेन्द्रमान सिंह कार्कीलाई कोरोना पोजेटिभ देखिएको छ । बरिष्ठ प्रसुती तथा स्त्री रोग विशेषज्ञ डा. कार्कीलाई कोरोना पोजेटिभ देखिएपछि उनी अहिले आइसोलेसनमा छन् । कार्कीसँग हेल्थआवाजले गरेको कुराकानी जस्ताको तस्तै :
लकडाउनभर घर एक दिन पनि बसिएन । सधै बिरामीको सेवामा खटिनु पर्छ भनेर अस्पताल गइयो । ६ दिन अगाडी रुघा खोकी लागेको जस्तो भयो । शंका लागेर घरमै आइसोलेसनमा बसे। दुई दिन अघि पिसिआर परीक्षण गरेको पोजेटिभ देखियो । अस्पतालमा ज्वरोका बिरामी त्यतिकै छन् । आकस्मिक शल्यक्रिया त्यतिकै गर्नु परेको छ ।
खोकी लागेर बिरामी आउँछन् उनिहरुलाई सेवा नदिने भन्ने हुँदैन । एउटा सफल चिकित्सक नामले मात्रै हुँदैन । सफल चिकित्सक हुन जस्तो सुकै परिस्थितिमा पनि बिरामीको सेवामा सामेल हुनुपर्छ तब उ आफ्नो पेशामा सफल हुन्छ । कोरोना कुनै एड्सको बिरामी हैन । मलाई खोकी छैन बेला-बेलामा अहिले पनि ज्वारो आइरहेको छ ।
रिपोर्ट पोजेटिभ आउला भन्ने थिएन । मेरो नाम बाहिर डिस्पोज नहोस भनेर हरिबहादुर कार्की लेखि दिएछन् । मलाई पनि जानकारी भएन । बिहीबार (आज) एक्कासी फोन आयो तपाइलाई कोरोना पोजेटिभ भएछ । मैले सबैलाई स्पष्ट पार्न आग्रह गरेको छु । मेरो नाम किन लुकाउनु पर्यो । मैले जनताको सेवा गर्दा पाएको उपलब्धि हो कोरोना । डाक्टर कार्कीलाई कोरोना पोजेटिभ देखिएको हो भनेर सच्याएको सूचना निकाल भनेको छु ।’
