२०८१ साउन ३, बिहीबार
Health Aawaj logo
गृहपृष्ठसमाचारबर्दियाको क्वारेन्टाइनमा एक युवकले गरे आत्महत्या

बर्दियाको क्वारेन्टाइनमा एक युवकले गरे आत्महत्या


बर्दिया– बर्दियाको ठाकुरबाबा नगरपालिकाको क्वारेन्टाइनमा बसेका एक युवकले आइतबार राती आत्महत्या गरेका छन् ।
इलाका प्रहरी कार्यालय भुरिगाउँका अनुसार अछाम बान्निगढी गाउँपालिका घर भई ठाकुरबाबा ४ सैनवारमा आफन्त कहाँ आएका रामबहादुर साउँदले नगरपालिकाको क्वारेन्टाइनमै आत्महत्या गरेका हुन् ।

क्वारेन्टाइन पछाडिको रूखमा आफूले बिच्छाएको तन्नाको पासो लगाएर आत्महत्या गरेको इलाका प्रहरी कार्यालय भुरिगाउँले जनाएको छ ।
करिव दस दिन अघि भारतको राजस्थानबाट हिँडेका युवक महेन्द्रनगरहुँदै ठाकुरबाबामा आफन्त कहाँ आएइपुगेका थिए ।

आफन्तले क्वारेन्टाइनमा बस्नुपर्छ भन्दै प्रहरीलाई खबर गरेपछि युवकलाई प्रहरीले ४ दिन अघि क्वारेन्टाइनमा लगेको थियो ।
जिल्ला जनस्वास्थ्य कार्यालय बर्दियाका कोरोना फोकल पर्सन कृष्णगोपाल चौधरीले उनको कोरोनाको पिसीआर परीक्षणका लागि आइतबार दिउँसो स्वाब संकलन गरेर भेरी अस्पताल नेपालगन्जमा पठाइएको बताए ।

रिपोर्ट नआउँदै उनले आत्महत्या गरेका हुन् । उनी डिप्रेशनको बिरामी रहेको बताइन्छ । सोमबार साँझसम्म पनि पिसिआर परिक्षणको रिपोर्ट नआएकाले उनको शव घटनास्थलमै रहेको प्रहरीले जनाएको छ ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ