२४ जना कोरोना संक्रमित आईसीयु, २ जना भेन्टिलेटरमा

काठमाडौं—कोरोना भाइरस (कोभिड–१९) विगतमा भन्दा केही कडा रुपमा देखा परेको अधिकारीहरुले बताएका छन् । लकडाउन खुला गरेसँगै समुदायस्तरमा देखिन थालेको संक्रमणले बिरामीहरुलाई क्रमसः आईसीयुसम्म पु¥याएको छ । हाल देशभर ५ हजार १ सय ३९ जना कोरोना संक्रमित आइसोलेसनमा छन् । यीमध्ये २४ जना आईसीयु १ जना भेन्टिलेटर र १ जना अक्सिजन (सिप्याप)को सहारामा उपचार भइरहेको अस्पतालहरुले बताएका छन् ।

नेपालमा ९ माघमा पहिलो पटक चीनबाट आएका एक पुरुषमा कोरोना पुष्टि भएको थियो । टेकु अस्पतालका अनुसार ती युवकमा कडा खोकी, ज्वरो र निमोनिया भएकाले आईसीयुको सहारा आवश्यक परेको थियो । तर, त्यसयता अधिकांश संक्रमित भारतबाट आएका थिए । उनीहरुमा लक्षण देखिएको थिएन । लक्षण नभएका कारण केही दीर्घ रोगबाहेक अरु आईसीयुमा नपुगेको स्वास्थ्य तथा जनसंख्या मन्त्रालयले जनाएको छ ।

सरकारले साउन ७ देखि लकडाउन खुला गरेसँगै संक्रमितहरु आईसीयुमा पुग्न थालेका छन् । लकडाउन खुला हुुनु र सामाजिक दूरी कायम नहुँदा जोखिम बढ्दैं गएको मन्त्रालयका प्रवक्ता डा. जागेश्वर गौतमले बताए । हालसम्म ४९ जनाको मृत्यु भएको छ ।

कहाँ कति छन् कोरोना संक्रमित आईसीयुमा ?

• विपी कोइराला स्वास्थ्य विज्ञान प्रतिष्ठान धरान —१ जना
• नारायणी अस्पताल वीरगञ्ज —५ जना
• जनकपुर प्रादेशिक अस्पताल —१ जना
• लुम्बिनी प्रादेशिक अस्पताल —२ जना
• नेपालगञ्ज मेडिकल कलेज —२ जना
• शहिद शुक्रराज ट्रपिकल तथा सरुवा रोग अस्पताल टेकु—८
• पाटन अस्पताल —२ जना
• सशस्त्र प्रहरी अस्पताल बलम्बु—२ जना
• त्रिवि शिक्षण अस्पताल—१ जना

भेन्टिलेटरमा भएको संख्या

• लुम्बिनी प्रादेशिक अस्पताल— १ जना
• शहिद शुक्रराज ट्रपिकल तथा सरुवा रोग अस्पताल—अक्सिजन (सिप्याप)मा १ जना