२०८० मंसीर २५, सोमबार
Health Aawaj logo
गृहपृष्ठसमाचारमहोत्तरीमा १० जना नेपाली सेनामा कोरोना संक्रमण पुष्टि

महोत्तरीमा १० जना नेपाली सेनामा कोरोना संक्रमण पुष्टि


काठमाडौं– महोत्तरीमा कोरोना संक्रमणका कारण मृत्यु भएकाको शव व्यवस्थापनमा खटिएका १० जना नेपाली सेनामा कोरोना संक्रमण पुष्टि भएको छ । धरानस्थित विपि कोइराला स्वास्थ्य विज्ञान प्रतिष्ठानमा मृत्यु भएका एक व्यक्तिको शव व्यवस्थापनमा खटिएका सेनामा कोरोना संक्रमण पुष्टि भएको हो ।

२० जना नेपाली सेनाको स्वाब संकलन गरिएकोमा १० जनामा कोरोना संक्रमण पुष्टि भएको महोत्तरीका प्रमुख जिल्ला अधिकारी कृष्णबहादुर कटवालले जानकारी दिए । उनीहरु सबैजना रणभीम गण पर्कौलीमा कार्यरत थिए ।

शव व्यवस्थापनपछि व्यारेकभित्रै क्वारेन्टाइनमा बस्दै आएका उनीहरुलाई कोरोना संक्रमण पुष्टि भएसँगै बर्दिबासस्थित किसाननगरमा रहेको आइसोलेसनमा पठाइएको प्रजिअ कटवालले बताए ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ