बुटवलमा थप एक जना कोरोना संक्रमितको मृत्यु

बुटवल—लुम्बिनी प्रादेशिक अस्पताल कोरोना आइसोलेसन शाखा धागो कारखानामा उपचाररत थप एक जनाको मृत्यु भएको छ ।

कपिलवस्तु नगरपालिका—१ का ५० वर्षीय पुरुषको बुधबार राति मृत्यु भएको लुम्बिनी प्रादेशिक अस्पतालका मेडिकल सुपरिटेन्डेन्ट डा. राजेन्द्र खनालले जानकारी दिए ।

उच्च रक्तचाप, मधुमेहलगायतका स्वास्थ्य समस्या रहेका कोरोना संक्रमणपछि भेन्टिलेटरको सहायतामा उपचार भैरहेको थियो । उनमा भदौ ५ गते कोरोना संक्रमण पुष्टि भएको थियो ।