रुपन्देहीमा लकडाउन अवधि भदौं २० गतेसम्मका लागि थप

बुटवल—रुपन्देहीमा लकडाउन अवधि भदौ २० गतेसम्मका लागि थप गरिएको छ । समुदायस्तरमा कोरोना संक्रमण फैलिएको र जोखिम अझै पनि कम नभएको भन्दै रुपन्देहीमा २० गतेसम्म लकडाउन गर्ने निर्णय भएको प्रमुख जिल्ला अधिकारी महादेव पन्तले बताए ।

आइतबार बसेको जिल्लास्तरीय कोभिड—१९ व्यवस्थापन केन्द्रको बैठकले पनि जिल्ला प्रशासन कार्यालयलाई भदौ २० गतेसम्म लकडाउन थप गर्न आग्रह गर्ने निर्णय गरेको थियो ।

प्रशासनले जिल्लाभर लागु हुने गरी भदौ २ गतेदेखि ७ गतेसम्म पहिलो चरणमा लाकडाउन गरिएको थियो । संक्रमितको संख्या बढ्दैं गएको निष्कर्षसहित भदौं १४ गते राति १२ बजेसम्मका लागि लकडाउन थप गरिएको थियो ।