२०८१ साउन ३, बिहीबार
Health Aawaj logo
गृहपृष्ठसमाचारकोरोना लागेका विपन्न नागरिकको मात्र उपचार सरकारले गर्ने प्रस्ताव क्याबिनेट लैजादैं स्वास्थ्य मन्त्रालय

कोरोना लागेका विपन्न नागरिकको मात्र उपचार सरकारले गर्ने प्रस्ताव क्याबिनेट लैजादैं स्वास्थ्य मन्त्रालय


काठमाडौं–स्वास्थ्य तथा जनसंख्या मन्त्रालयले विपन्न नागरिकको मात्र सरकारले कोभिड—१९ को उपचार खर्च ब्यहोर्ने प्रस्ताव तयार पारेको छ । आइतबार मन्त्रालयमा बसेको साप्ताहिक बैठकमा सो विषयमा छलफल भएको प्रवक्ता डा. जागेश्वर गौतमले बताए ।

‘आइतबारको साप्ताहिक बैठकमा विभिन्न प्रस्ताव आएका थिए । त्यसमा अब कोरोना लागेका विपन्न नागरिकको मात्र सरकारले उपचार गर्ने भन्ने विषयमा छलफल भएको हो,’ उनले भने, ‘यो स्वास्थ्य मन्त्रालयले गर्ने निर्णय होइन । क्याबिनेटले गर्ने निर्णय हो ।’

मन्त्रालयका एक अधिकारीका अनुसार विपन्न नागरिकलाई मात्र सरकारले उपचार गर्ने र अन्यले आफ्नै खर्चमा उपचार गर्ने गरी प्रस्ताव तयार भएर क्याबिनेट लाने तयारी भएको छ । यसअघि सरकारले तोकेका अस्पतालमा सबै कोरोना संक्रमितको उपचार खर्च ब्यहोर्दै आएको छ ।

सरकारले विपन्न नागरिकको लागि कडा खालका रोगको उपचार खर्च व्यहोर्दै आएको छ ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ