काठमाडौ—फर्टिलिटी सोसाइटी अफ नेपालले वरिष्ठ स्त्री रोग विशेषज्ञ डा. भोला रिजालको स्वास्थ्यलाभको कामना गरेको छ । गत १४ भदौंमा कोरोना पोजेटिभ देखिएपछि अस्पताल भर्ना भएका उनको सोसाइटीले स्वास्थ्य लाभको कामना गरेको हो ।
स्त्रीरोग विशेषज्ञहरुको छाता संगठन फर्टिलिटी सोसाइटी अफ नेपालका अध्यक्षसमेत रहेका चिकित्सक रिजाल दम्पतीलाई नै कोरोना पोजेटिभ देखिएपछि ह्याम्स अस्पताल भर्ना भएका छन् । उनीहरुको स्वास्थ्य अवस्था भने सामान्य रहेको सोसाइटीकी महासचिव डा. स्वस्ती शर्माले बताइन् ।
शर्माले डा रिजालको पछिल्लो नमुना परीक्षण गर्दा कोभिड नेगेटिभ आएकोमा खुसी व्यक्त गरेकी छन् । तर, डा. रिजालकी श्रीमती सरलाको भने अझै नेगेटिभ रिपोर्ट आएको छैन । सुरुका केही दिन सामान्य ज्वरो, रुघा भएपनि हाल रिजाल दम्पतीलाई नै कुनै लक्षण देखिएको थिएन ।
डा रिजालले पनि आफू ठिक भएको अस्पतालबाटै बताएका छन् । ‘आम नागरिकको आर्शिवादले मलाई ठिक छ,’ उनले भने, ‘केही दिनमा अस्पतालबाट फर्कने र बिरामीको सेवामा लाग्नेछु ।
