६ महिनादेखि रोकिएको प्रोत्साहन भत्ता वितरण शुरु

धनगढी–माघ २३ देखि रोकिएको सुत्केरी भत्ता ६ महिनापछि पुनः वितरण गरिएको छ । भत्ता वितरणसँगै सुत्केरी महिलाहरु खुशी भएका छन् । सरकारले पहिलो चरणमा छुट्याएको आमा सुरक्षा कार्यक्रम अन्तर्गतको प्रोत्साहन भत्ता लिन टाढा टाढाबाट महिलाहरु सेती अस्पाल आउन थालेका छन् ।

सुत्केरी भत्ता पाएकोमा खुसी लागेको भत्ता लिन आएका आफन्तको भनाई छ । सुत्केरी भत्ता चेकजाँचको आधारमा पाईने भएकोले राहत महशुस गरेको उनीहरु बताउछन् ।

बजेट अभाबले रोकिएको सुत्केरी भत्ता माघ महिनादेखि रोकिएकोमा असार १९ गतेबाट पुनः बितरण गरिएको हो । प्रोत्साहन भत्ता अन्तरगतको सुत्केरी भत्ता सेती अस्पतालबाट १८ सय जनाले लिईसकेको र १७ सय जनाले भत्ता पाउन बाकी रहेको सेती अस्पतालका नर्सिङ ईन्र्चाज मन्जु केसीले बताईन् ।

दैनिक सुत्केरी भत्ता लिन आउनेक्रम जारीे छ । निकास भएको रकम मध्ये हाल सम्म ३५ लाख रकम बितरण भैसकेको उनले बताईन् ।
सरकारी अस्पतालमा सरकारले गत बर्ष भन्दा यस बर्ष सुत्ेकेरी महिलाहरु लाई दिदै आएको भत्तामा केहि वृद्धि गरेको छ । सेती अस्पतालका सुचना अधिकृत दिलीप श्रेष्ठले अहिले तराईमा १८ सय, पहाडी जिल्लामा २८ सय र हिमाली जिल्लामा ३८ सय रुपैया दिईदै आएको बताए । सरकारले सुत्केरीलाई दिने यातायात खर्च बापतको रकम दोब्बर बनाएकोले बिभिन्न अस्पतालमा रकम अभाब भएको उनले जानकारी दिए ।