२०७९ असोज १३, बिहीबार
Health Aawaj logo
गृहपृष्ठसमाचारएन्टीबडी नियन्त्रण गर्न प्रधानमन्त्री ओली सिंगापुर प्रस्थान

एन्टीबडी नियन्त्रण गर्न प्रधानमन्त्री ओली सिंगापुर प्रस्थान


काठमाडौं–मिगौलामा एन्टीबडीको मात्रा धेरै देखिएपछि त्यसको उपचार गर्न प्रधानमन्त्री केपी शर्मा ओली स्वास्थ्य परीक्षणका लागि आज सिंगापुर प्रस्थान गरेका छन् । प्रधानमन्त्री ओली बिहीबार दिउसो साढे १ बजे थाई एयरबाट सिंगापुर प्रस्थान गरेका हुन् । ओलीसँगै उनकी पत्नी राधिका शाक्य, प्रधानमन्त्रीका निजी चिकित्सक पनि सिंगापुर प्रस्थान गरेका छन् ।

ओलीको मिर्गौलासम्बन्धी एन्टीबडीको मात्रा केही बढी देखिएको बताइएको थियो । एन्टीबडीलाई शरिरबाट निस्काशन गरि निराकरण गर्ने उपचार बिधिलाई निरन्तरता दिन उनी पुनः सिंगापुरतर्फ प्रस्थान गरेको ओलीका निजी चिकित्सक डा. दिव्या सिंहद्धारा जारी विज्ञप्तिमा जनाइएको छ । ‘सिंगापुर रहँदा नेसनल युनिर्भसिटी अस्पतालमा नै नेपाली चिकित्सकको साथमा त्यहाँका विज्ञ टोलीले ओलीको मिर्गौलाको थप परीक्षण गर्नेछन,’ डा. सिंहद्धारा जारी विज्ञप्तिमा भनिएको छ ।

साउन १८ गते सिंगापुर प्रस्थान गरेका प्रधानमन्त्री ओली ९ दिनको बसाइँपछि गत सोमबार स्वदेश फर्केका थिए । ओलीको सिंगापुरको नेसनल युनिभर्सिटी अस्पतालमा स्वास्थ्य परीक्षण गरिएको थियो । उनको सोही अस्पतालमा उनको उपचार हुने भएको छ ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ

जम्मा संक्रमित (नेपाल)
निको भएको
मृत्यु
जम्मा संक्रमित (विश्व)