डा. राईको नेतृत्वमा युवा चिकित्सक संघ पाटन अस्पताल समिति गठन

काठमाडौं–युवा चिकित्सक संघले पाटन अस्पतालमा आफ्नो कार्यसमिति विस्तार गरेको छ । शनिबार डा. प्रशिश राईको नेतृत्वमा युवा चिकित्सक संघको पाटन अस्पताल कार्यसमिति गठन भएको हो ।

यस्तै कार्यसमितिमा उपाध्यक्षमा डा. उमेश कोइराला, महासचिवमा डा. नरेन्द्र भण्डारी, सचिवमा डा. एलिना खतिवडा चयन भएका छन् ।

डा. विशाल डंगोल कोषाध्यक्ष रहेको उक्त समितिमा डा. गगन कार्की सह कोषाध्यक्ष छन् । कार्यसमितिका तीन जना सदस्यहरुमा डा. आनन्द यादव, डा.जनकराज पाण्डे र डा. सोनाफुटी शेर्पा छन् ।

नव गठित कार्यसमितिले पाटन अस्पतालले चिकित्सक एवं कर्मचारीको तलब घटाउने कदम विरुद्ध आवाज उठाउने भएको छ । संघले तलब घटाउने निर्णय सच्चाउनका लागि आइतबारसम्मको अल्टिमेटम ब्यवस्थापनलाई दिएको छ ।