सिंगापुरमा प्रधानमन्त्री ओलीको प्लाज्मा फेरेसिस जारी, उपचार प्रक्रिया पूरा हुन एक साता लाग्ने

काठमाडौं—सिंगापुरस्थित न्यासनल युनिभर्सिटी हस्पिटलमा प्रधानमन्त्री केपी शर्मा ओलीको प्लाज्मा फेरेसिस प्रक्रियाबाट उपचार जारी रहेको छ । बुधबार अपरान्ह प्रधानमन्त्री केपी शर्मा ओलीका प्रमुख सल्लाहकार विष्णु रिमालले प्रधानमन्त्री ओलीको उपचार प्रक्रिया जारी रहेको बताएका हुन् ।

‘सम्माननीय प्रधानमन्त्रीज्यूको प्लाज्मा फेरेसिस प्रक्रियाबाट उपचार जारी छ,’ उनले ट्वीटमा लेखेका छन्, ‘उहाँको नीजि चिकित्सक प्रा.डा. दिब्यासिंह शाह आज स्वदेश फर्किनुभएको छ । उहाँकाअनुसार यो उपचार प्रक्रिया अर्को सातासम्म पूरा हुनेछ ।’

साथै, उनले प्रधानमन्त्री ओलीको स्वास्थ्यस्थिती सामान्य स्थितीमा रहेको जानकारी समेत दिएका छन् ।

प्रधानमन्त्री ओलीको शरीरमा एन्डीबडीको मात्रा बढी देखिएपछि ५ भदौंमा उनलाई उपचारका लागि सिंगापुर लगिएको हो ।