काठमाडौँ – थप १ सय ५७ जनामा संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप १ सय ५७ जनामा संक्रमण पुष्टि भएको हो।
नेपालमा कोरोना संक्रमितको संख्या ओरालो लाग्दै गएको छ । दैनिक झण्डै एक हजारभन्दा बढी संक्रमितहरु भेटिएको अहिले दैनिक हजारभन्दा कमको हाराहारीमा झरेको मन्त्रालयले जारी गरेको तथ्यांकले देखाएको छ ।
शुक्रबार काठमाडौँ उपत्यकामा ८२ जनामा संक्रमित थपिएका छन्। हालसम्म २ लाख ७० हजार ७ सय ४५ जनामा कोरोना संक्रमण पुष्टि भैसकेको छ ।
यस्तै, पछिल्लो २४ घण्टामा थप ३ सय ३३ जनामा संक्रमित निको भएका छन् । यससँगै नेपालमा कोरोनामुक्त हुनेको संख्या २ लाख ६५ हजार ६ सय ९८ जना पुगेको छ ।
यस्तै, आज कोरोनाबाट ज्यान गुमाउनेको संख्या ३ रहेको छ। यससँगै नेपालमा कोरोनाबाट ज्यान गुमाउनेको सख्या २ हजार २५ पुगेको मन्त्रालयले जनाएको हो ।
