२०८१ साउन ८, मंगलबार
Health Aawaj logo
गृहपृष्ठसमाचारकोभिड-१९ खोपको दोस्रो अभियान सुरु, साढे २ लाखभन्दा बढीलाई खोप लगाउने लक्ष्य

कोभिड-१९ खोपको दोस्रो अभियान सुरु, साढे २ लाखभन्दा बढीलाई खोप लगाउने लक्ष्य


काठमाडौं – सरकारले पहिलो प्राथमिकताअन्तर्गत दोस्रो अभियानको लक्षित समूहलाई खोप दिन सुरु गरेको छ । आइतबार देखि ८ गतेसम्म चल्ने उक्त अभियानमा २ लाख ६२ हजार ८७६ जनालाई खोप लगाउने सरकारको लक्ष्य रहेको छ ।

केही संख्या जिल्लाबाट नआएकाले बढ्ने अनुमान गरिएको छ ।

दोस्रो अभियानको लक्षित समुहमा पहिलो चरणमा छुट भएका स्वास्थ्यकर्मी, पत्रकारहरू, स्थानीय तहका निर्वाचित जनप्रतिनिधी र कर्मचारी, निजामती सेवाका कर्मचारी, जनपद प्रहरी, सशस्त्र (बोर्डरमा खटिने मात्र), बैंक तथा वित्तीय संस्थामा कार्यरत कर्मचारी, प्राधिकरण र संस्थानमा कार्यरत कर्मचारी, न्याय सेवा, समूहका कर्मचारी, अदालत, र सरकारी वकिल कार्यालयका कर्मचारी रहेका छन् ।

परिवार कल्याण महाशाखा बाल स्वास्थ्य तथा खोप सेवा शाखाका अनुसार आजबाट खोप पाउनेमा प्रदेश १ मा  ३९,४९६ जना प्रदेश २ मा ३४, ६७२ जना बाग्मती प्रदेशमा ८१, ३७० जना, गण्डकी प्रदेशमा २५, ८७२ जना, लुम्बिनी प्रदेशमा ४०, ५३८ जना, कर्णाली प्रदेशमा १९, ६३५ जना र सुदुरपश्चितम प्रदेशमा २१, २९३ जना गरी जम्मा २ लाख ६२ हजार ८ सय ७६ जनाले खोप लगाउने छन् । उनीहरुका लागि विगतमा संचालित सबै खोप केन्द्र खुला हुने छन् । यसअघि २०१ वटा केन्द्रबाट खोप चलेको थियो ।

लक्षित समूहको पहिचान

  •  पहिला नै तयार गरेको सूचीविवरण,
  • सम्बन्धित व्यक्तिको कार्यालयबाट जारी परिचयपत्र,
  • सम्बन्धित कार्यालयबाट प्रमाणीकरण गरेको प्रमाण,

 खोप केन्द्रको ब्यवस्थापन

  • यसअघि पहिलो चरणमा सञ्चालन भएका खोप केन्द्रहरू,
  • यो लक्षित समूहको लागि आवश्यक थप खोप केन्द्रहरू,
  •  अभियान फाल्गुन २ गते देखि ७ दिन भित्रमा मा सम्पन्न गर्ने गरी खोप केन्द्र र खोप टोलीको ब्यवस्था गर्ने,

खोप केन्द्र तोक्ने आधार र प्रक्रिया

  • यसअघि सञ्चालन गरेका खोप केन्द्ररूको समिक्षा गर्ने,
  • कोभिड–१९ रोग विरुद्धको खोप अभियान जिल्ला समन्वय तथा अनुगमन समितिको समन्वयमा थप खोप केन्द्र तोक्ने,
  • खोप केन्द्र थप गर्दा खोप तथा कोल्डचेन ब्यवस्थापनको पक्षलाई विचार गर्ने,
  • ए.ई.एफ.आई.को ब्यवस्थापनको लागि चिकित्सक सहितको टोली परिचालन गर्ने,

खोप केन्द्र सञ्चालनको पूर्वतयारी

  • लक्षित समूह अनुसार सेवाग्राहीको सूचि तयार गर्ने र प्रत्येक खोप केन्द्रको लक्ष्य निर्धारण गर्ने,
  •  खोप सेवा सञ्चालन हुने खोप केन्द्रको स्थान र समयबारे लक्षित समूहलाई सम्बन्धित कार्यालय-संस्था मार्फत जानकारी गराउने,
  •  खोप दिने स्वास्थ्यकर्मीको टोली निर्धारण गर्ने र आवश्यक भए तालिम दिने,
  • खोप केन्द्रमा सहयोग गर्ने अन्य व्यक्ति (दर्ता गर्ने, रुजु गर्ने, परामर्श दिने, सुरक्षाका मापदण्डहरू पालना गर्न लगाउने,
  • खोप कार्ड भर्ने, (ट्याली सिट भर्ने जस्ता कार्यहरूको लागि) सम्बन्धित संस्थाबाट कम्तिमा २ जना कर्मचारी ब्यवस्थाको लागि समन्वय गरी ब्यवस्था गर्ने,
  •  लक्षित समूह अनुसार खोप तथा अन्य सामग्रीको परिमाण अनुमानगरी वितरणको योजना बनाउने,

खोप कोल्ड चेन ब्यवस्थापन

  • कोभिशल्ड खोपको भण्डारण र वितरण गर्दा २० देखि ८० सेल्सीयस तापक्रम कायम गर्ने,
  •  खोप ढुवानी, वितरण र सञ्चालन गर्दा अनिवार्य रुपमा कण्डिसनिङ्ग गरेको आइसप्याक मात्र प्रयोग गर्ने,
  • खोप सेसन सञ्चालन गर्दा सकेसम्म प्रत्येक दिन कण्डिसनिङ्ग गरेको आइसप्याक फेर्ने,
  • जिल्ला सदरमुकाम बाहिर खोप सेवा सञ्चालन गर्दा खोप भण्डारण गर्नु परेमा सकेसम्म आई.एल.आर.मा र सो नभएमा कण्डिसनिङ्ग गरेको आइसप्याक मात्र राखेर कोल्ड बक्समा भण्डारण गर्ने,
  • खोप सेसन सम्पन्न हुनासाथ बाँकि भएको खोप उचित कोल्ड चेन कायम गरी फिर्ता पठाउने र भण्डारण गर्ने,

अभिलेख तथा प्रतिवेदन

  • खोप लिएका प्रत्येक व्यक्तिलाई अनविार्य रुपमा खोप कार्ड दिने,
  • यदि खोप कार्ड उपलब्ध नभएको भए संलग्न रजिष्टरको नमूना अनुसार दर्ता गरी सोही दर्ता नम्बर उपलब्ध गराउने र दोस्रो मात्रा दिँदा
  • खोप कार्ड अनिवार्य उपलब्ध गराउने,
  •  खोप कार्डमा कार्ड नम्बर वा दर्ता नम्बर अनिवार्य रुपमा राखेर दिने (हालको अभियानमा खोप केन्द्र अनुसार कार्ड नं. वा दर्ता नं. १ बाट क्रमशः उल्लेख गर्ने),
  •  कार्ड नं. वा दर्ता नं. खोप कार्डको दुबै प्रतिमा एउटै नम्बर उल्लेख गर्ने ।

क्याटेगोरी : समाचार



तपाईको प्रतिक्रिया दिनुहोस


ट्रेण्डिङ