काठमाडौं – देशभर थप १०५ जनालाई कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार थप १०५ जनामा संक्रमण पुष्टि भएको हो ।
यससँगै हाल नेपालमा कोरोना संक्रमितको संख्या २ लाख ७२ हजार ९ सय ४५ पुगेको छ ।
यस्तै, पछिल्लो २४ घण्टामा ९९ जना कोरोनामुक्त भएका छन् । हालसम्म २ लाख ६९ हजार संक्रमित निको भएका छन् ।
मंगलबार ३ हजार ३६० जनाको पीसीआर परीक्षण गरिएको छ । अहिले १ हजार ५८७ सक्रिय संक्रमित छन् ।
त्यस्तै, देशभर गरेर १३ जना संक्रमित भेन्टिलेटरमा र ६३ जना संक्रमितको आईसियुमा उपचार भैरहेको छ ।
आज कोही संक्रमितको मृत्यु भएको छैन । भने अहिलेसम्म २ हजार ५५ जना संक्रमितको मृत्यु भएको छ ।
