चितवन मेडिकल कलेजमा बिडिएस अध्ययनरत विद्यार्थी पक्राउ

भरतपुर—चितवन मेडिकल कलेजमा बिडिएस अध्ययनरत एक विद्यार्थी पक्राउ परेका छन् । सोमबार प्रहरीले बिडिएस अध्ययनरत प्रवीणकुमार स्याङतानलाई पक्राउ गरेको हो ।

‘सोधपुछका लागि हो, अहिले अनुसन्धान भैरहेको छ,’ चितवनका प्रहरी प्रमुख दानबहादुर मल्लले भने ।

स्याङतान सरकारले प्रतिबन्ध लगाएको विप्लव नेतृत्वको नेकपा निकट विद्यार्थी संगठनका चितवन जिल्ला सेक्रेटरी हुन् ।

प्रकाश चन्दसँगै रहेर उनी विद्यार्थीहरुले घोषणा गरेको चिकित्सा शिक्षा संघर्ष समितिमा प्रचार—प्रसारमा थिए । सोही क्रममा उनलाई प्रहरीले पक्राउ गरेको हो । यसअघि पनि उनी दुई पटक पक्राउ परेका थिए ।