२०८१ असार ७, बिहीबार
Health Aawaj logo
गृहपृष्ठसमाचारसोसाइटी अफ ड्रमाटोलोजीको अध्यक्षमा प्रा.डा. भट्टराई

सोसाइटी अफ ड्रमाटोलोजीको अध्यक्षमा प्रा.डा. भट्टराई


काठमाडौं– छालारोग विशेषज्ञहरुको साझा संस्था सोसाइटी अफ ड्रमाटोलोजीको अध्यक्षमा छालारोग विशेषज्ञ प्रा.डा. सबिना भट्टराई चुनिएकी छन् । शनिबार सम्पन्न भएको १५ औं अधिवेसनबाट डा. भट्टराईको अध्यक्षतामा ११ सदस्य समिति गठन भएको हो ।

अधिवेसनले गण्डकी मेडिकल कलेज पोखरामा अध्ययापनरत प्रा.डा. सरस्वती शर्मा न्यौपानेलाई उपाध्यक्षमा चयन गरेको छ । त्यसैगरी किष्ट मेडिकल कलेजमा कार्यरत डा। मनिषा सिंह महासचिवमा चुनिएकी छन् ।

कोषाध्यक्षमा नेपाल मेडिकल कलेजकी डा. सिता जोसी, जर्नलको प्रमुख सम्पादक डा. जिपतारा पाठक थापा र सह-सचिवमा डा. आयुष झा चयन भएका हुन् ।

त्यसैगरी, सदस्यहरुमा डा. अनिलकुमार भट्ट, डा. प्रथना अधिकारी, डा. कुमार पोख्रेल र डा. सिमान्त अंकित चयन भएका छन् ।

यसअघिको १४ औ कार्यकालमा अध्यक्ष भएका डा. सुदिप पराजुली नेतृत्वको कार्यसमितिको २ वर्षे कार्यकाल सकिएसँगै नयाँ कार्यसमिति चयन भएको हो । साेसाइटीकाे विधानमा निवर्तमान अध्यक्ष स्वतः कायर्यसमितिमा रहने व्यवस्था रहेकाे छ ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ