नेपालमा एकैदिन ९ सय जनामा कोरोना पुष्टि

काठमाडौं—नेपालमा एकैदिन ९ सय जना कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा  ६ हजार १ सय ५८ वटा पिसिआर परीक्षण गर्दा थप ९ सय  जना कोरोना संक्रमण पुष्टि भएको हो ।

भारतमा लगातार संक्रमण देखिएसँगै नेपालमा पनि संक्रमणमा वृद्धि भएको छ। केहि दिन यता नेपालमा कोरोना संक्रमण बढिरहेको छ  ।

यससँगै नेपालमा अहिलेसम्म कोभिड—१९ बाट संक्रमितको हुनेको संख्या २ लाख ८२  हजार ८ सय ९० पुगेको छ ।

पछिल्लो २४ घण्टामा२ सय ८ जना कोरोना संक्रमित निको भएका छन् । अहिलेसम्म नेपालमा संक्रमणमुक्त भएर घर फर्किनेको संख्या २ लाख ७४ हजार ८ सय १२ रहेको छ ।

पछिल्लो २४ घण्टामा २ जना कोरोना संक्रमितको मृत्यु भएको रिपोर्ट प्राप्त भएको मन्त्रालयले जनाएको छ । अहिलेसम्म नेपालमा ३ हजार ७०  जना कोरोना संक्रमितको मृत्यु भएको छ ।