काठमाडौं—चिकित्सा शिक्षा आयोगले एमबीबीएसको एकीकृत प्रवेश परीक्षा २४ फागुनमा लिने भएको छ । सोमबार आयोगले एक सूचना प्रकाशित गर्दै चिकित्सा शिक्षाका स्नातक तहका सबै शैक्षिक कार्यक्रमको एकीकृत प्रवेश परीक्षाका लागि २४ पुसबाट आवेदन खुला गर्ने जनाएको छ ।
आयोगका अनुसार एकीकृत प्रवेश परीक्षामा सहभागी हुने चाहने विद्यार्थी पुस २४ आइतबार विहान १० बजेदेखि माघ २४ अपरान्ह ५ बजेसम्म अनलाइनबाट आवेदन दिने सकिनेछ । आवेदन दिनका लागि आयोगले तोकेको मापदण्ड भने पूरा गरेको हुनुपर्नेछ ।
एमबीबीएसको प्रवेश परीक्षा २४ फागुनमा हुनेछ । यस्तै, बिडिएसको २४ फागुनमा, बीएस्सी नर्सिङ, बिएएसएलपी, बी पर्फयुजन टेक्नोलोजीको २६ फागुन, बीएमएमएस, बीएनएस, बीएस्सी एमएलटी, बी फर्मा, बीअप्टोमेट्री, बीएस्सी एमआईटी, विपीटी २७ फागुनमा र बीपीएचको २८ फागुनमा एकीकृत प्रवेश परीक्षा हुनेछ ।
