२०८१ साउन १, मंगलबार
Health Aawaj logo
गृहपृष्ठटिप्सजाडोमा हात फुट्नबाट जोगाउने ३ घरेलु उपाय

जाडोमा हात फुट्नबाट जोगाउने ३ घरेलु उपाय


जाडो मौसममा सबैले अनुहारको छालाको ख्याल राख्छन् । तर यसको साथसाथै हातको हेरचाह पनि धेरै महत्त्वपूर्ण छ । किनभने चिसो हावाले छालालाई सुख्खा र निर्जीव बनाउँछ । साथै, आजकल बारम्बार हात धुने कारणले छाला झनै सुख्खा र निर्जीव बन्दै गएको छ । यस्तो अवस्थामा हातको छालाको उचित हेरचाह गर्न आवश्यक छ ।

प्रस्तुत छन् जाडोमा हातको हेरचाह गर्न उपयुक्त ३ घरेलु उपाय 

१. आलुको प्रयोग

आलु छाला कडा बनाउन प्रयोग गरिन्छ । चिसोका कारण हात सुख्खा हुने र छाला खुम्चिने समस्याले हैरान हुनुहुन्छ भने आलुको मास्क लगाउनुस् । सबैभन्दा पहिले दुई वटा आलु उमालेर राम्ररी पिस्नुहोस् । अलिकति दूध मिसाएर स्मूद पेस्ट बनाउनुहोस् र त्यसपछि हातमा लगाउनुहोस् र सुक्दासम्म छोड्नुहोस् । लगभग बिस मिनेट पछि आफ्नो हात धुनुहोस् । यो मास्कको प्रभाव छालामा दोस्रो पटक प्रयोग गर्दा देखिनेछ ।

२. गाजर मास्क

जाडोमा गाजर खानु भयो भने राम्रो हुन्छ । तर यो गाजरको प्रयोगले तपाई आफ्नो हातको सौन्दर्य पनि बढाउन सक्नुहुन्छ । यसका लागि गाजरको पेस्ट बनाएर त्यसमा कागतीको रस मिसाएर हातमा लगाउने । हातको छालाको सुख्खापन हटाउन यो प्रभावकारी उपाय हो ।

३. अण्डा मास्क

अण्डाको पहेँलो भागमा कागतीको रस र जैतुनको तेल हाल्नुहोस् । अब यो पेस्ट मिलाएर हातमा लगाउनुहोस् र तीस मिनेटसम्म छोड्नुहोस् । जब यो मास्क राम्रोसँग सुक्छ, यसलाई मनतातो पानीले धुनुहोस् ।

यसका साथै जाडोमा अनुहार र हातमा मोइस्चराइजर लगाउनु आवश्यक हुन्छ । समय–समयमा हात धोएपछि हातमा  मोइस्चराइजर लगाउनुहोस् ।
अमरउजालाबाट भावानुवाद


क्याटेगोरी : टिप्स



तपाईको प्रतिक्रिया दिनुहोस


ट्रेण्डिङ