२०७८ साउन ११, सोमबार
Health Aawaj logo
गृहपृष्ठसमाचारएनएचआरसी र एएसएसएनबीच स्पाइन ट्रमाको रजिष्ट्री गर्ने सम्झौता

एनएचआरसी र एएसएसएनबीच स्पाइन ट्रमाको रजिष्ट्री गर्ने सम्झौता


काठमाडौँ -नेपाल स्वास्थ्य अनुसन्धान परिषद (एनएचआरसी) र एसोसियसन अफ स्पाइन सर्जन्स अफ नेपाल (एएसएसएन) स्पाइन ट्रमाबीच रजिष्ट्री गर्ने सम्बन्धि सम्झौता भएको छ । उक्त दुई संस्थाबीच सोमबार अस्पतालहरुमा उपलब्ध उपचार सुविधा, प्रभावकारिता लगायतका विषयमा अनुसन्धान गर्ने उद्देश्यले रजिष्ट्री गर्ने सम्झौता भएको हो।

उक्त सम्झौतापत्रमा सोमबार एनएचआरसीका कार्यकारी सदस्य सचिव डा. प्रदीप ज्ञवाली र एएसएसएनका महासचिब डा. ब्यापक पौडेलले हस्ताक्षर गरेका हुन् ।

एनएचआरसीको सभाहलमा आयोजित सो कार्यक्रममा बोल्दै एनएचआरसीका सदस्यसचिव डा ज्ञवालीले रजिष्ट्री सम्वन्धी कार्यक्रम गर्दा दीर्घकालसम्मका लागि अनुसन्धान गर्न सहयोग पुग्ने बताए । उनले भने, ‘कुनै पनि रोगबारे अनुसन्धान गर्नु अघि तथ्याङ्क आवश्यक पर्ने गर्छ। यसले दीर्घकालसम्मका लागि अनुसन्धान गर्न सहयोग पुग्नेछ।’

प्रारम्भिक चरणमा उपत्यकाका त्रिवि शिक्षण, राष्ट्रिय ट्रमा, वीएण्डवी, ग्राण्डी र काठमाडौँ मेडिकल कलेजको तथ्याक लिएर पाइलटिङ गर्ने योजना रहेको तर निश्चित भने नभैसके परिषदका उपाध्यक्ष डा. गौरवराज ढकालले जानकारी दिए ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ

जम्मा संक्रमित (नेपाल)
निको भएको
मृत्यु
जम्मा संक्रमित (विश्व)