देशभर थपिए १९२० कोभिड-१९ संक्रमित, ३४को मृत्यु

काठमाडौं – देशभर थप १ हजार ९ सय २० जनामा कोभिड-१९ पुष्टि भएको छ । पछिल्लो २४ घण्टामा देशभर गेरर १ हजार ९ सय २० जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको हो ।

मन्त्रालयका अनुसार आइतबार काठमाडौंमा २९२, भक्तपुरमा ३२ र ललितपुरमा १०० गरी ४ सय २४ जनामा कोभिड-१९ पुष्टि  भएको छ ।

यस्तै, पछिल्लो २४ घण्टामा ३४ जना संक्रमितको निधन भएको छ । यससँगै कोभिडबाट ज्यान गुमाउने संक्रमितको संख्या ९ हजार ९ जना पुगेको छ  ।

यता, नेपालमा संक्रमणमुक्त हुने संख्या ५ लाख ८४ हजार ३३४ जना पुगेको छ । भने, पछिल्लो २४ घण्टामा थप ३ हजार ७ जना संक्रमणमुक्त भएको मन्त्रालयले जनाएको छ ।