जोनसोन एण्ड जोनसोनको १५ लाख डोज खोप नेपाल आइपुग्यो

काठमाडौं—एक डोज लगाए पुग्ने जोनसोन एण्ड जोनसोनको १५ लाख डोज भन्दा बढी खोप नेपाल आइपुगेको छ । सोमबार विहान अमेरिकी कार्गो जहाजले कोभिड-१९ विरुद्धको खोप नेपाल ल्याएको हो ।

अन्तर्राष्ट्रिय विमानस्थलमा स्वास्थ्य तथा जनसंख्यामन्त्री कृष्णगोपाल श्रेष्ठलाई अमेरिकी राजदूत ¥याण्डी बेरीले खोप हस्तान्तरण गरेका हुन् ।

कोभ्यासको सप्लाई चेन प्रयोग गरेर ल्याइएको उक्त खोप अमेरिकी सरकारले नेपाललाई सहयोग गरेको हो ।

‘जोनसोन एण्ड जोनसोनको १५ लाख बढी खोप आएको छ,’ स्वास्थ्य सेवा विभागका महानिर्देशक डा. दिपेन्द्ररमण सिंहले भने, ‘यो खोप अमेरिकी सरकारको सहयोगमा आएको हो ।’

अमेरिकी दूतावासले १५ लाख ४३ हजार ८ सय ५० डोज खोप नेपाल सरकारलाई उपलब्ध गराएको जनाएको छ ।