कर्णाली स्वास्थ्य विज्ञान प्रतिष्ठानको निमित्त उपकुलपतिको जिम्मेवारी डा. निरेशलाई

काठमाडाैं—कर्णाली स्वास्थ्य विज्ञान प्रतिष्ठानको निमित्त उपकुलपतिको जिम्मा रेक्टर डा. निरेश थापालाई दिइएको छ । बिहीबार स्वास्थ्य तथा जनसंख्यामन्त्री विरोध खतिवडाले डा. थापालाई निमित्त उपलकुपतिको जिम्मेवारी दिएका हुन् ।

सहकुलपतिसमेत रहेका स्वास्थ्यमन्त्रीले डा. थापालाई  अर्को व्यवस्था नभएसम्मका लागि आर्थिक तथा प्रशासनिक अधिकारसहित निमित्त उपकुलपति जिम्मेवारी दिएका हुन् । उनी प्रतिष्ठानका रेक्टर हुन् ।

बुधबार मात्रै मन्त्री खतिवडाले उपकुलपति नियुक्तिको निर्णय सम्बन्धी मुद्धा कारण देखाउँदैं उपकुलपति मंगल रावलसहितका पदाधिकारीलाई काम गर्न रोक लगाएका थिए ।