प्रसुती गृहमा ७० बेडको कुरुवा घर सञ्चालनमा, अब पुरुष पनि राति कुरुवा बस्न पाउने

काठमाडौं—थापाथलीस्थित परोपकार प्रसुती गृहले बिरामी कुरुवाका लागि कुरुवा घर सञ्चालनमा ल्याएको छ । ७० बेडको सो कुरुवा घरमा ३५ जना पुरुष र ३५ जना महिला एक पटकमा बस्न सक्ने अस्पतालका निर्देशक प्रा.डा. जागेश्वर गौतमले बताए ।

अस्पतालले झण्डै १० करोडको लागतमा सो कुरुवा घर निर्माण गरेको हो । यसअघि कुरुवा घर नहुँदा रातिको समयमा बिरामी कुर्न महिलाले मात्रै पाउने गरेका थिए । महिलाहरु पनि बिरामी नजिकै बस्नुपर्दा विभिन्न खालका संक्रमण फैलिने डर थियो ।

नयाँ कुरुवा घर बनेसँगै अब पुरुष पनि कुरुवा बस्न पाउनेछन् । उक्त कुरूवा घरमा बिरामीहरू निःशुल्क बस्न पाउनेछन् ।