अन्तर्राष्ट्रिय बालमैत्री अस्पतालका तीन चिकित्सकलाई कारबाहीका लागि प्रष्टीकरण सोधियो

काठमाडौं–मेनेन्जाइटिसको उपचार गर्न अस्पताल ल्याइएकी एक बालिकाको उपचार मेडिकल आचारसंहिता विपरित भएको भन्दै नेपाल मेडिकल काउन्सिलले महराजगन्जस्थित अन्तर्राष्ट्रिय बालमैत्री अस्पालका तीन जना चिकित्सकलाई प्रष्टीकरण सोधेको छ ।

हेटौडा स्थायी घर भएकी बालिका चेरिसा श्रेष्ठको मेडिकल आचार संहिता विपरित उपचार गरिएको भन्दैं काउन्सिलले अस्पतालका डा. उमेशकुमार सिंह , कल्पना सुवेदी र डा. समन्द्र बजीमयलाई एक हप्ते प्रष्टीकरण सोधेको हो ।

श्रेष्ठलाई २०७६ जेठ २१ गते बालमैत्री अस्पतालमा लगिएको थियो । तर, चिकित्सकहरुले परिवारका सदस्यलाई नसोधीआफू खुसी जेठ २४ गते लम्बर पन्चर ( मेनेन्जाईटिसको ढाडबाट पानी निकाल्ने प्रक्रिया ) गरेका थिए ।