१५ वर्षमुनिका बालबालिकालाई चैत्र २५ गतेदेखि टाइफाइडको खोप

काठमाडौँ – बालबालिकालाई चैत्र २५ गते देखि १५ वर्ष मुनिका सबै बालबालिकालाई टाइफाइड खोप दिने तयारी गरेको छ। स्वास्थ्य मन्त्रालयका अनुसार १५ महिना देखि १५ वर्ष मुनिका सबै बालबालिकाको लागि टाइफाइड खोप अभियान चलाउने तयारी गरिएको हो।

सो खोप अभियान चैत २५ गतेदेखि वैशाख १८ गते सम्म चल्नेछ। खोप लगाउने निश्चित समय र स्थानका लागि नजिकैको स्वास्थ्य संस्था, वडा कार्यालय र विद्यालयमा सम्पर्क गर्न मन्त्रालयले भनेको छ।

टाइफाइड खोप अभियान पछी नियमित खोप कार्यक्रममा टाइफाइड खोप पनि समावेश गरिने भएको छ।