नेपाल स्वास्थ्य अनुसन्धान परिषदले माग्यो विषयगत विज्ञ

काठमाडौं – नेपाल स्वास्थ्य अनुसन्धान परिषदले अनुसन्धान परियोजनाहरुका लागि विषयगत विज्ञहरु माग गरेको छ । सोमबार परिषदले एक सूचना जारी गर्दै परिषद एवं अन्तर्राष्ट्रिय दातृ निकायहरु एवं विभिन्न विश्व विद्यालयहरुको सहयोगमा संचालन हुने विभिन्न अनुसन्धान परियोजनाहरुका लागि विषयगत विज्ञहरुको माग गरेको हो।

इच्छुक उम्मेदवारले आफ्नो विज्ञता खुल्ने वैयक्तिक विवरणसहित परिषदमा विज्ञापन प्रकाशित गरेको १० दिनभित्र निवेदन दिन परिषदले आग्रह गरेको छ ।

परिषदअनुसार प्राप्त भएको विज्ञहरूको सूचीबाट परियोजनाको प्रकृति बमोजिम परिषदकाे आवश्यकता अनुसार छनोट गरिने छ।