सगरमाथा चढ्ने पहिलो नेपाली महिला डाक्टर बनिन् प्रिती भुषाल

काठमाडौँ– ग्रान्डी अस्पतालकी चिकित्सक डा. प्रिती भुषालले सगरमाथाको सफल आरोहण गर्दै नयाँ रेकर्ड कायम कायम गरेकी छन् । डा. भुसालले बिहिबार सगरमाथाको सफल आरोहण गर्दै नयाँ रेकर्ड कायम गरेकी हुन् ।

उनको टोलीले आज बिहान सफलतापूर्वक सगरमाथाको आरोहण गरेको जानकारी भुसालले आफ्नो फेसबुकमार्फत दिएकी हुन् । यससँगै उनी सगरमाथाको सफल आरोहण गर्ने पहिलो नेपाली महिला चिकित्सक समेत बनेकी छिन् ।

जलवायु परिवर्तनको असर कम गर्नुपर्ने र हिमालय क्षेत्रमा बढ्दो प्रदूषण रोक्नुपर्ने सन्देश विश्वभर पुर्‍याउन भन्दै उनीसहितको टोली गत २९ चैतमा सगरमाथा यात्रामा निस्किएको थियो ।