स्वास्थ्य मन्त्रालयको अस्पतालहरुलाई निर्देशन-संक्रामक रोगहरु फैलन सक्छन्, सर्तक रहनु

काठमाडौं—स्वास्थ्य तथा जनसंख्या मन्त्रालयले मनसुन सिजन सुरु भएको भन्दैं अस्पतालहरुलाई सर्तक रहन निर्देशन दिएको छ । बिहीबार स्वास्थ्य मन्त्रालय सह—प्रवक्ता समिरकुमार अधिकारीले सबै अस्पताललाई वर्षायाममा पानीको मुहान दूषित भएर संक्रामक रोगहरु फैलन सक्ने भएकाले आवश्यक पूर्व तयारीसहित सर्तकर्ता अपनाउन निर्देशन दिइएको छ ।

‘मनसुनजन्य प्राकृति विपद्हरुसँगै खानेपानी प्रदूषण भई सरसफाइमा चुनौती थपिने कारणले हैजा रोगलगायत विभिन्न संक्रामक रोगहरु फैलन सक्ने हुन्छ,’ मन्त्रालयले भनेको छ, ‘त्यसैले जनस्वास्थ्यमा पर्न सक्ने क्षतिलाई न्यूनीकरण गर्न सबैले आ—आफ्नो ठाउँमा सावधानी लिन र तयारी अवस्थामा रहन आवश्यक छ ।’

यस्तै, मन्त्रालयले अस्पतालहरुलाई विपद्का घटना र महामारीको प्रतिकार्यका लागि तयारी एवं सर्तक रहन, स्वास्थ्यकर्मी तयारी अवस्थामा राख्न, आवश्यकताअनुसार शैय्याहरुको व्यवस्थापन गर्न र औषधी उपकरणको तयारी गर्न पनि निर्देशन दिएको छ ।