२०७९ असार ११, शनिबार
Health Aawaj logo
गृहपृष्ठसमाचारवीर अस्पतालको नयाँ भवनकै छैन नक्सा पास

वीर अस्पतालको नयाँ भवनकै छैन नक्सा पास


काठमाडौं-मुलुककै सबैभन्दा पुरानो वीर अस्पतालको नयाँ भवन नक्सा पास नगरी बनाइएको पाइएको छ । काठमाडौं महानगरपालिकाका अनुसार पटक(पटकको ताकेतापछि पनि वीर अस्पताल प्रशासन र भवन विभागले अटेर गरेर नक्सा पास तथा इआइए गराएका छैनन् ।

भवनको चारमध्ये तीनवटा ब्लकको बाहिरी संरचना बनिसकेको छ । त्यस्तै, वीरले भवन निर्माणका लागि वातावरणीय प्रभाव मूल्यांकन (इआइए) पनि गरेको छैन ।

१७ रोपनी क्षेत्रफलमा गत वर्ष देखि भवन निर्माणाधीन अवस्थामा छ । कानुनअनुसार भवन निर्माण गर्नुअघि अनिवार्य रूपमा सम्बन्धित स्थानीय तहबाट नक्सापास र इआइए गराउनुपर्छ ।

दुई अर्ब तीन लाख रुपैयाँको लागतमा ३० महिनामा सक्ने लक्ष्यका साथ ०७५ को असारबाट नौतले भवन निर्माण सुरु गरिएको हो । पाँच सय शैय्याको अस्पतालमा १७ वटा अपरेसन थिएटर रहने छन् । वीर अस्पतालका निर्देशक डा. केदार सेन्चुरीले भवनको नक्सापास गर्न बाँकी रहेको बताए । उनले नक्सा पासको प्रक्रिया अघि बढेको पनि बताए ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ

जम्मा संक्रमित (नेपाल)
निको भएको
मृत्यु
जम्मा संक्रमित (विश्व)