डा. मेघनाथ धिमाल विशेषज्ञ सदस्यमा मनोनित

काठमाडौं—नेपाल स्वास्थ्य अनुसन्धान परिषद्का अनुसन्धान अधिकृत डा. मेघनाथ धिमाल विश्व स्वास्थ्य संगठनको दक्षिण पूर्वी एसिया क्षेत्रीय विशेषज्ञ समूहको सदस्यमा मनोनित भएका छन् ।

डा. धिमाल स्वास्थ्य र जलवायु परिवर्तनको वातावरणीय निर्धारकहरुमा डब्लूएचओको दक्षिण पूर्वी एसिया क्षेत्रीय विशेषज्ञ समूहको सदस्यमा मनोनित भएका हुन् ।

‘यो विशेषज्ञ समूहको विशेषज्ञ सदस्यका रुपमा मनोनित भएको खबर पाउँदा म गौरवान्वित भएको छु,’ डा. धिमालले भने ।

डा. धिमाल नेपाल स्वास्थ्य अनुसन्धान परिषद्को अनुसन्धान विभागका प्रमुख हुन् । लामो समयदेखि परिषद्मा रहेर अनुसन्धान कर्ममा सक्रिय डा. धिमाल अनुसन्धानमा पनि दख्खल राख्छन् ।