कान्ति अस्पताल विकास समिति अध्यक्षमा डा. बाबुराम, मानसिकको अध्यक्षमा मधुकर

काठमाडौं—सरकारले लामो समयदेखि खाली रहेको कान्ति बाल अस्पताल विकास समितिको अध्यक्षमा डा. बाबुराम गौतमलाई नियुक्त गरेको छ । २१ भदौंमा मन्त्रिपरिषद् बैठकले डा. गौतमलाई कान्ति अस्पताल विकास समितिको अध्यक्षमा नियुक्त गरेको हो ।

बसुन्धरा निवासी गौतम पब्लिक हेल्थ पढेका हुन् ।

यसैगरी, ललितपुरस्थित मानसिक अस्पताल विकास समितिको अध्यक्षमा मधुकर तुलाधर नियुक्त भएका छन् । उनी ललितपुरका स्थानीय समाजसेवी हुन् ।

यस्तै, कान्ति अस्पताल विकास समिति सदस्यमा कपिलदेव लामिछाने नियुक्त भएका छन् ।

गौतम र तुलाधर नेकपा एसको सिफारिसमा नियुक्त भएका हुन् भने लामिछाने नेपाली कांग्रेसको सिफारिसमा नियुक्त भएको स्वास्थ्यमन्त्री निकट स्रोतले जानकारी दिएको छ ।