२०८१ असार ३०, आईतबार
Health Aawaj logo
गृहपृष्ठसमाचारडेंगु नियन्त्रणमा सरकारी संयन्त्र असफल भएको एमालेको आरोप

डेंगु नियन्त्रणमा सरकारी संयन्त्र असफल भएको एमालेको आरोप


काठमाडौं—नेकपा एमालेले डेंगु नियन्त्रणमा सरकारी संयन्त्र असफल भएको आरोप लगाएको छ । बुधबार एमालेका स्वास्थ्य तथा जनसंख्या विभाग प्रमुख योगेश भट्टराईले एक विज्ञप्ती जारी गर्दै डेंगु फैलावटको तुलनामा सर्तकर्ता, नियन्त्रण र उपचारमा सरकारसँग जुन तहको योजना, कार्यक्रम र सक्रियता हुनुपथ्र्यो त्यसमा सरकार चुकेको बताएका छन् ।

‘सरकारी संयन्त्र असफल भएको छ,’ विज्ञप्तिमा छ । देशव्यापी रुपमा फैलिएको डेंगु रोगको अवस्थाप्रति गम्भीर ध्यानाकर्षण भएको बताउँदैं एमालेले साउन महिनामै आफनो पार्टी डेंगु नियन्त्रणका लागि सरकारको ध्यानाकर्षण गराएको उल्लेख छ ।

‘स्वास्थ्य संस्थामा बिरामीहरुका लागि वेड छैन । हजारौं बिरामीहरु स्वास्थ्य परीक्षणको अभावमा घरमै छटपटाउन बाध्य छन् । स्वास्थ्यकर्मी समेत संक्रमित भएका कारण बिरामीको उपचारमा समस्या उत्पन्न भएको छ,’ विज्ञप्तिमा छ, ‘सिटामोललगायतका अति आवश्यक औषधीको अभाव भएको छ । फेरि पनि सरकार परिणामहीन भएको छ ।’

एमालेले लामखुट्टे नियन्त्रणका लागि समुदायस्तरको परिचालन गर्न, बिरामीको पहिचान र परीक्षणलाई ब्यापक र सहज बनाउन, अस्पतालको सेवा विस्तार गर्न, जनशक्ति र बजेट थप गर्न, सिटामोललगायतका औषधी व्यवस्था गर्न समेत सरकारसँग माग गरेको छ ।

साथै, एमालेले पार्टी कार्यकर्तालाई पनि डेंगु नियन्त्रणमा योगदान गर्न आग्रह गरेको छ ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ