अमेरिकाको सेन्टर फर डिजिज कन्ट्रोल एण्ड प्रिवेन्सको सन् २०२१ मा प्रकाशित एक रिपोर्टमा संसारभर हरेक पाँच बालबालिकामध्ये एक बच्चामा इन्जाइटीका लक्षण पाइएका छन् । चिन्ताको कुरा यो छ कि परिवारजन यसलाई सामान्य मानिरहेका छन् ।
तर, यो नोक्सानदायक रहेको छ । यसबाट भविष्यमा बालबालिकाको मानसिक समस्यासँग जुध्नु पर्न सक्छ । पीडित बालबालिका मानिसहरुसँग मिल्ने, साथीभाइसँग घुलमिल गर्नेबाट टाढै रहन रुचाउने गर्छन् ।
कयौं बालबालिकाहरु भिडभाडमा जाने भन्ने बितिकै पेट दुखाइ, पटक—पटक पिसाब लाग्नु, टाउको दुखाइजस्ता समस्या पाइएका छन् । न्यूयोर्कमा क्लिनिकल साइकोलोजिष्ट रेचल बुसमैनकाअनुसार यसका लक्षणहरु जति चाडो पत्ता लगाउन सकियो बालबालिकालाई यो समस्याबाट बचाउन उति नै सजिलो हुन्छ ।
बेलायतको नेशनल हेल्थ सर्विसकाअनुसार बालबालिकासँग समस्या बताउनका लागि माध्यम नहुने भएकाले उनीहरुलाई यसलाई रिएक्ट गर्छन् ।
बालबालिकामा एकाग्रतामा कमी, बेडमा पिसाब गर्नु, निदाउन समस्या हुनु, खाना खान आनाकानी गर्नु, हर समय अभिभावकसँग चिप्किएर बस्नु, दैनिकी क्रियाकलाप गर्न परेशान हुनु, मानिसहरुको बीचमा घबराउनुजस्ता लक्षण देखिन्छन् ।
सोसल एन्जाइटी भएका बालबालिकाहरु बोल्न डराउँछन् भने एकदमै सानो श्वरमा बोल्छन् । वासिंगटनस्थित चिल्ड्रेन नेशनल हस्पिटलकाअनुसार सोसल इन्जाइटीबाट पीडित बालबालिकामा विभिन्न लक्षणहरु देखिन्छन् ।
जसमा स्कुल जान र मानिसहरुबीच रहन नमान्नु, मानिसहरुको बीचमा बोल्न नमान्नु र एकदमै सानो श्वरमा बोल्नु, आँखा झुकाएर अनुहार लुकाएर कुरा गर्नु, मानिसको बीचमा रहने, पर्फम गर्ने, मानिसहरुको सामुन्ने खाना खाने, क्लास रुपमा बोल्न डराउन हुन्छन् ।
