ललितपुर—ललितपुरको एकान्तकुनामा नेपालकै पहिलो अन्तर्राष्ट्रियस्तरको औषधी तथा सौन्दर्य स्टोर संचालनमा आएको छ । शनिबार एक भव्य समारोहमामाझ वरिष्ठ मेकअप आर्टिष्ट स्नेहा राणाले ट्रु केयर फार्मेसी र ब्युटी स्टोरको उद्घाटन गरेकी हुन् ।
ट्रुकेयर फार्मेसी र ब्युटी स्टोर नेपालकै पहिलो अन्तर्राष्ट्रिय शैलीको फार्मेसी भएको आयोजनाले जनाएको छ । स्टोरबाट औषधी र औषधीजन्य उत्पादनहरुका साथै स्थानीय तथा अन्तर्राष्ट्रिय ब्रान्डका सौन्दर्य, स्वास्थ्य, फिटनेस र वेलनेस उत्पादनहरू ग्राहकहरूले एउटै छाना मुनि पाउनेछन्।
कार्यक्रममा ट्रुकेयरका प्रमुख कार्यकारी अधिकृत शाश्वत बज्राचार्यले ग्राहकको रुचि र चाहनालाई पहिलो प्राथमिकतामा राख्ने बताए । ‘ट्रुकेयर फार्मेसी र ब्यूटी स्टोरले ग्राहकहरुको अनुभवलाई उच्च प्राथमिकतामा राख्नेछ,’ उनले भने, ‘हामी नेपालीहरूले पनि अन्तर्राष्ट्रियस्तरको फार्मेसी र वेलनेस स्टोरमा सपिङ गर्न पाउनुपर्छ । नेपालमा पनि उच्चस्तरको सेवा र विश्वस्तरका उत्पादन र अनुभव प्रदान गर्न सकिन्छ भन्ने मूख्य अभिप्रायस् राखेर यो ट्रुकेयर फार्मेसी र ब्युटी स्टोर संचालनमा ल्याएका हौं ।’
बज्राचार्यले छिट्टै रिटेल आउटलेटहरूको संख्या बढाउने योजना बनाइएको जानकारी दिए । उनले नेपालको स्वास्थ्य र वेलनेस क्षेत्रमा भइरहेको प्रगति र विकास देखेर उत्साहित रहेको उल्लेख गरे । ‘ग्राहकहरुलाई यो फरक र नयाँ अनुभव हुनेछ किनभने हामी वहाँहरुलाई साँच्चिकै विश्वस्तरको सेवा प्रदान गर्न चाहन्छौं। त्यसैले हामीले हाम्रो स्टोरको नाम ट्रुकेयर (साँचो सेवा) राखेका छौं,’ उनले भने ।
ट्रुकेयर फार्मेसी र ब्युटी स्टोर एकान्तकुनामा स्विस दूतावासको छेउमा रहेको छ । स्टोर हप्ताको सातै दिन खुला रहने छ। स्टोरमा अहिले ८ जना कार्यरत रहेका छन् ।
