२०८१ साउन ३, बिहीबार
Health Aawaj logo
गृहपृष्ठसमाचारसरकारी प्रयोगशालाकर्मी संघ नेपालको तदर्थ समिति गठन

सरकारी प्रयोगशालाकर्मी संघ नेपालको तदर्थ समिति गठन


काठमाडौं—सरकारी सेवामा काम गर्ने प्रयोगशालाकर्मीहरुले सरकारी प्रयोगशालाकर्मी संघ नेपालको तदर्थ समिति गठन गरेका छन् । शनिबार पत्रकार सम्मेलन गरेर उनीहरुले संघको तदर्थ समिति गठन भएको जानकारी दिएका हुन् ।

सरकारी प्रयोगशालाकर्मी संघ, नेपालको पहिलो अध्यक्ष राजेशकुमार गुप्ता चयन भएका छन् । त्यसैगरी, वरिष्ठ उपाध्यक्षमा सन्तोष सुवेदी, उपाध्यक्षमा पदमानाथ घिमिरे र खेमराज सापकोटा, महासचिवमा खुमराज शर्मा, सचिवमा कृष्णप्रसाद जैसी र ईश्वरप्रसाद भुसाल र कोषाध्यक्षमा लेखनाथ भट्टराई चयन भएका छन् ।

सदस्यहरुमा प्रमानन्द भण्डारी, नवीन कर्माचार्य, किरण पौडेल, शैलेश थपलिया, सुजता श्रेष्ठ, अमित कार्की र श्रेयष्का श्रेष्ठ चयन भएका छन् ।

काठमाडौं जिल्ला प्रशासनमा दर्ता भएको संघले सबै सरकारी संरचनाभित्र काम गर्ने प्रयोगशालाकर्मीहरुलाई आवद्ध गराउने योजना बनाएको छ । संघले सातवटै प्रदेशमा प्रदेश संयोजक तोकेर प्रदेश सम्मेलन गर्ने साथै हालको तदर्थ समितिले केन्द्रीय सम्मेलन आयोजना गरेर नयाँ कार्यसमिति बनाउने तयारी रहेको उपाध्यक्ष खेमराज सापकोटाले जानकारी दिए ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ