२०८१ असार ३०, आईतबार
Health Aawaj logo
गृहपृष्ठसमाचारविश्वकपमा ‘क्यामेल फ्लु’ फैलिने खतरा

विश्वकपमा ‘क्यामेल फ्लु’ फैलिने खतरा


‘क्यामेल फ्लु’ अथवा इष्ट रेस्पिरेटरी सिन्ड्रोम अहिले विश्वकपका फ्यानहरुको लागि नयाँ स्वास्थ्य चुनौती बन्न सक्ने एक रिपोर्टले जनाएको छ । डिसेम्बरको १८ तारिखसम्म चल्ने फिफा विश्वकपले लाखौँ खेलप्रेमीलाई आकर्षण गरिरहेको बेला यो रोगको चुनौती थपिएको कुरा बाहिरिएको हो ।

त्यस्तै न्यू माइक्रोब्स एण्ड न्यू इन्फेक्सन जर्नलमा २२ नोभेम्बरमा प्रकाशित भएको एक अध्ययनले विश्वकपमा लाग्न सक्ने सम्भावित रोगहरुका बारेमा बताउँदै कोभिडसँगै क्यामेल फ्लु पनि फैलिने उत्तिकै सम्भावना रहेको जनाएको छ ।

सन् २०१२ मा देखिएको क्यामेल फ्लु हालसम्म २७ देशमा देखा परेको छ भने विश्व स्वास्थ्य संगठनले पनि यसलाई सम्भावित महामारीको रुपमा हेरेको छ । संक्रमित ऊटबाट सर्ने यो रोगले हालसम्म ८ सय ५८ जनाको ज्यान लिइसकेको विश्व स्वास्थ्य संगठनले जनाएको छ ।

कतारमा पनि २८ जनामा संक्रमण देखिइसकेको यस रोगबाट बच्नका लागि उच्च जोखिम भएका मानिसले ऊटको दुध र राम्रोसँग नपाकेको मासु सेवन नगर्न अनुरोध गरिएको छ । यो रोग विशेषत अरेबियन ऊटबाट सर्ने गर्दछ ।

ज्वरो आउनु, खोकी लाग्नु, छिटोछिटो श्वास फेर्नु तथा पखाला लाग्नु यस रोगको मूख्य लक्षण हुन् ।

-एजेन्सीको सहयोगमा


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ