ग्लोबल हेल्थ केयरको ह्यान्ड स्यानिटाइजर प्रयोग नगर्न विभागको चेतावनी

औषधि व्यवस्था विभागले भारतीय कम्पनी ग्लोबल हेल्थ केयरद्वारा उत्पादित ह्यान्ड स्यानिटाइजर प्रयोग नगर्न चेतावनी दिएको । सोमबार एक सूचना जारी गर्दै विभागले उक्त चेतावनी दिएको हो ।

ग्लोबल हेल्थ केयरबाट उत्पादित जिएचसी ह्यान्ड स्यानिटाइजरको ५ लिटर र ५०० मिलिलिटरका ब्याच नं केयर १२१–२२ र केयर ४९–२२ रहेका यी स्यानिटाइजरलाई श्री राष्ट्रिय औषधि प्रयोगशाला, काठमाडौँमा परीक्षण गर्दा न्यून स्तर पाइएकोले विभागले सूचना जारी गरेको हो ।

त्यस्तै, विभागले औषधि ऐन २०३५ को दफा १४ बमोजिम बिक्री वितरण रोक्का गरी बजारबाट तुरुन्त फिर्ता गर्न र त्यसको विवरण विभागलाई बुझाउन भनिएको छ ।
यस्तो छ सूचना