२०८३ मंसिर २, बुधवार
Health Aawaj logo
गृहपृष्ठ ∕ समाचार ∕ ओमिक्रोनको नयाँ सबभेरियन्ट भारतमा पनि भेटिएपछि सतर्क रहन स्वास्थ्य मन्त्रालयको आग्रह

ओमिक्रोनको नयाँ सबभेरियन्ट भारतमा पनि भेटिएपछि सतर्क रहन स्वास्थ्य मन्त्रालयको आग्रह


स्वास्थ्य तथा जनसङ्ख्या मन्त्रालयले छिमेकी मुलुकहरूमा कोभिड संक्रमितहरुको सङ्ख्या बढ्न थालेपछि नेपालमा पनि सतर्क रहन आग्रह गरेको छ ।

बिहीबार एक विज्ञप्ति जारी गर्दै मन्त्रालयले हाल चीनमा फैलिरहेको ओमिक्रोनको सबभेरियन्ट नेपालमा हालसम्म फेला नपरेको पनि जानकारी गराएको हो । यो भेरियन्ट हाल भारतमा पनि भेटिएको छ ।

राष्ट्रिय जनस्वास्थ्य प्रयोगशालाबाट प्राप्त रिपोर्टका अनुसार हालसम्म ओमिक्रोनका विभिन्न भेरियन्टहरु देखा परेका भए पनि हालसम्म चीनमा फैलिरहेको यसको बिएफ.७ भेरियन्ट नेपालमा नभेटिएको जनाएको छ ।

त्यस्तै नेपालमा हाल सङ्क्रमितको सङ्ख्या न्यून भए पनि विश्वभरि यो नयाँ भेरियन्टले फैलिइहेकाले स्वास्थ्य सम्बन्धी सम्पूर्ण कुराहरुको पालना गर्दै दैनिक रुपमा मास्क लगाउने, एकअर्काबिच दुरी राख्ने र व्यक्तिगत स्वास्थ्य सम्बन्धी सम्पूर्ण कुराको पालना गर्न पनि मन्त्रालयले आग्रह गरेको हो ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ