ब्रेकफास्टअघि व्यायाम गर्दा डायबिटिजका बिरामीलाई फाइदा

खाली पेट व्यायाम गर्दा हाम्रो स्वास्थ्यमा सकारात्मक प्रभाव पर्न सक्ने वैज्ञानिकले बताएका छन् । खानापछि भन्दा खाली पेटमा व्यायाम गर्दा ब्लड सुगर लेभल कन्ट्रोल गर्न सहयोगी सिद्ध हुने एक अध्ययनले देखाएको छ । यस्तो बेलामा शरीर इन्सुलिन प्रयोग गर्न दक्ष हुन्छ जसलाई इन्सुलिन सेन्सेटिभ भनिन्छ । यसलाई सामान्यतया राम्रो स्वास्थ्य संकेतका रुपमा हेरिन्छ ।

नियन्त्रित इन्सुलिनमा टाइप २ मधुमेह र अन्य मेटाबोलिक अवस्थासँग लड्न सक्ने क्षमता हुन्छ । बाथ र बर्मिघम विश्वविद्यालयमा गरिएको अध्ययनमासहभागि ३० जना पुरुषलाई दुई समूहमा विभाजन गरिएको थियो । ६ हप्तासम्म एउटासमूहले व्यायाम अघि ब्रेकफास्ट गरेको थियो भने अर्को समूहले व्यायामपछि ।

खाना खाएर व्यायाम गर्नेको तुलनामा खाली पेटमा व्यायाम गर्नेहरुको मांशपेशीले इन्सुुलिन बढी रेस्पोन्सीभ पाइयो ।यसको मतलव उनीहरूलाई रगतमा ग्लुकोजको लेभल कम गर्न इन्सुलिनको थोरै मात्रा चाहिन्छ, जसलाई ‘इन्सुलिन सेन्सेटिभ’ भनिन्छ ।

कम ‘इन्सुलिन सेन्सेटिभ’ भएका मानिसहरूलाई ठूलो मात्रामा इन्सुलिन चाहिन्छ र मधुमेह समेत हुन सक्छ । यसले उच्च रक्तचाप र उच्च कोलेस्ट्रोलको स्तर जस्ता समस्याहरूलाई पनि संकेत गर्न सक्छ ।