वायु प्रदुषणले निम्त्याउँछ कपाल झर्ने समस्या

पछिल्लो समयमा गरिएको एक अनुसन्धानले वातावरणको वायु अस्वस्थ्य भए कपाल झर्न सक्ने समस्या देखिने निस्कर्ष निकालेको छ । वायु प्रदुषणका कारण ब्यक्तिको टाउकोको छालामा असर गर्ने र कपाल झर्ने समस्या देखा पर्ने अध्ययनले देखाएको हो ।

अध्ययन अनुसार वायु प्रदुषणले कपाललाई लामो बनाउन मद्दत गर्ने प्रोटिन नस्ट गर्छ जसकारण कपाल लामो हुन नपाई टुक्रिन्छ । विशेष गरेर इन्धन, कोइला, इँटभट्ट, सिमेन्ट कारखाना र सेरामिक्स उत्पादित आदि कारखानाबाट निस्कने बायु प्रदुषणले कपाल झर्ने समस्या आउछ ।

प्रदुषित कणहरु हावामा मिल्न जादा यसले वातावरण संगसंगै ब्यक्तिको स्वास्थ्यमा पनि प्रतिकुल असर पार्दछ । यसअघि गरिएका विभिन्न तथ्यांकहरुले भने वायु प्रदूषणका कारण मानिसमा मुटुरोग, क्यान्सर तथा श्वास प्रश्वास सम्बन्धि समस्याहरु निम्तिने देखाइएको थियो । अध्ययनमा भने वायु प्रदूषणले ब्यक्तिको शारीरिक कोषमा कस्तो असर पार्दछ भन्ने पक्षलाई मुख्य केन्द्र बनाई गरिएको थियो ।