काठमाडौं–नेपाल चिकित्सक संघ (एनएमए) ले चितवन मडिकल कलेजमा भएको घटनाको निन्दा गरेको छ । स्वास्थ्य सेवा जस्तो संवेदनशिल क्षेत्रमा उपचारको क्रमको भएको मृत्युको घटनालाई अतिरञ्जित गर्दै अस्पताल तोडफोड गर्ने र स्वाथ्यकर्मीमाथि हातपात गरिएको भन्दै संघले घटनाको निन्दा गरेको हो ।
‘चिकित्सक तथा स्वास्थ्यकर्मीलाई अपराधिक समूहले लखेटेर शारीरिक हातपात गर्ने, तोडफोड गर्ने जस्ता जघन्य अपराध हुनुले स्वास्थ्यकर्मी तथा चिकित्सकहरुबाट स्वास्थ्य सेवा प्रवाह गर्ने वातावरण नभएको र यसबाट उत्पन्न हुने परिस्थितिप्रति चिकित्सक तथा स्वास्थ्यकर्मीहरु जिम्मेवार हुन सक्दैनन,’ संघको विज्ञप्तीमा भनिएको छ । मार्फत जनाएको छ ।
अपराधिक क्रियाकलापको विरोध गर्न र नेपाल चिकित्सक संघ चितवन शाखाले अयोजना गर्ने विरोधका कार्यक्रमलाई सशक्त बनाउन समेत संघले चितवनका चिकित्सकहरुलाई अपिल गरेको छ ।
आइतबार उपचारका क्रममा चितवन मेडिकल कलेजको शिक्षण अस्पतालमा एक बिरामीको मृत्यु भएपछि मृतकका आफन्तले अस्पतालमा तोडफोड गरेका थिए । नाकको समस्याको उपचारका लागि अस्पताल ल्याइएकी नवलपरासीकी आशा ज्ञवालीको उपचारका क्रममा मृत्यु भएको थियो ।
