२०८० चैत्र १५, बिहीबार
Health Aawaj logo
गृहपृष्ठसमाचारकर्णाली प्रदेशले माग्यो २०१ सामुदायिक नर्स

कर्णाली प्रदेशले माग्यो २०१ सामुदायिक नर्स


काठमाडौं–कर्णाली प्रदेशले २०१ जना सामुदायिक नर्सका लागि आवेदन माग गरेको छ । कर्णाली प्रदेश सामाजिक विकास मन्त्रालयले प्रदेशभित्रका स्थानिय तहमा स्वास्थ्य संस्था नभएका वार्डहरुका लागि नर्स र अनमीका लागि आवेदन माग गरेको हो ।

मन्त्रालयले बिहिबार सुचना जारी गर्दै ५९ स्टाफ नर्स र १४२ अ.न.मी पदमा दरखास्त आह्वान गरेको छ । सुचना प्रकाशित भएको मितिले २१ दिन भित्र फारम भर्नुपर्ने सुचनामा उल्लेख गरिएको छ ।

आवश्यक न्यूनतम योग्यता पुगेकाहरुले मन्त्रालयको वेभसाईट mosd.karnali.gov.np मा गई अनलाईन फारम भर्न सक्नेछन ।

आधारभूत स्वास्थ्य सेवा प्रदेशका सबै स्थानमा पुर्याउनको लागि विज्ञापन खोलिएको कर्णाली प्रदेशका सामाजिक विकास मन्त्री दल रावल बताउँछन् । ‘संविधानले परिकल्पना गरेको आधारभूत स्वास्थ्य सेवालाई जनमानसमा पुर्याउनको लािग स्वास्थ्यकर्मीहरु थप गर्न लागिएको हो,’ मन्त्री रावलले हेल्थ आवाजसँग भने, ‘स्वास्थ्यकर्मी थप भएसँगै कर्णालीका दुर्गम स्थानका जनताले आधारभूत स्वास्थ्य सेवा सहज रुपमा पाउने छन् ।’


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ