आईओएमको परीक्षा अनिश्चितकालका लागि सर्यो

काठमाडौं- त्रिभुवन विश्वविद्यालय चिकित्साशास्त्र अध्ययन संस्थान (आईओएम)ले कात्तिक २० गतेबाट सञ्चालन गर्ने भनिएका सबै शैक्षिक कार्यक्रमका नियमित तथा पुनः परीक्षा अनिश्चितकालका लागि सारेको छ ।

डिन कार्यालयको परीक्षा नियन्त्रण शाखाले सोमबार सुचना प्रकाशित गर्दै अर्को सुचना जारी नभएसम्मका लागि परीक्षा स्थगन भएको जनाएको हो । शंसोधित परीक्षाको कार्यतालिका चाँडै प्रकाशित गर्ने जारी सुचनामा उल्लेख गरिएको छ ।

परीक्षा सानुपर्ने कारण कार्यालयले औपचारीका रुपमा जानकारी गराइएको छैन । यद्यपी विभिन्न कलेजहरुमा भएका आन्दोलनका कारण विद्यार्थीहरुले परीक्षा सार्न माग गर्दै आएका थिए ।

विद्यार्थीहरुसँगको पटकपटकको छलफलपछि परीक्षा सार्न डीन कार्यालय सहमत भएको महाराजगन्ज मेडिकल क्याम्पस स्वतन्त्र विद्यार्थी युनियनका अध्यक्ष मिलन गैरेले बताए ।