२०८३ मंसिर १, मंगलवार
Health Aawaj logo
गृहपृष्ठ ∕ समाचार ∕ जनता समाजवादी पार्टीकी सांसद मन्जु शर्मा अन्सारीको हृदयघातबाट निधन

जनता समाजवादी पार्टीकी सांसद मन्जु शर्मा अन्सारीको हृदयघातबाट निधन


काठमाडौं—जनता समाजवादी पार्टी (जसपा)की सांसद मन्जु शर्मा अन्सारी हृदयघातका कारण निधन भएको छ । आइतबार विहान ८ः३० बजे सिभिल अस्पतालमा उनको निधन भएको उपप्रधान तथा स्वास्थ्यमन्त्री उपेन्द्र यादवका स्वकीय सचिव महेश चौरासियाले जानकारी दिए ।

उनी जसपाबाट मुस्लिम कलष्टरबाट समानुपातिक सांसद थिइन् । काठमाडौंको काकत्यानी चोकस्थित घरमा अस्वस्थ भएपछि उनलाई सिभिल अस्पताल लगिएको थियो ।

तर, अस्पताल पु¥याए लगतै उनलाई चिकित्सकहरुले मृत घोषणा गरेका थिए । उनी १९ चैत्र २०७९ मा समानुपतिकतर्फबाट प्रतिनिधीसभाका सांसद बनेकी थिइन् ।

जसपाबाट समानुपातिक प्रणालीबाट निर्वाचित शहनाज रहमानको १३ फागुन २०७९ मा निधन भएपछि रिक्त रहेको स्थानमा उनी सांसद भएकी थिइन् ।

२०२० साल माघ १९ गते जन्मिएकी अन्सारीकी तीन छोरी छन् । जनता समाजवादी पार्टीकी केन्द्रीय नेतृ रहेकी उनले वि.संं २०४६ सालदेखि राजनीतिमा सक्रिय भएकी थिइन् ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ