२०८१ जेठ ९, बुधबार
Health Aawaj logo
गृहपृष्ठसमाचारस्वास्थ्य बीमाको भ्रामक विज्ञापन गर्नेमाथि स्वास्थ्य मन्त्रालयले कारवाही अगाडि बढायो

स्वास्थ्य बीमाको भ्रामक विज्ञापन गर्नेमाथि स्वास्थ्य मन्त्रालयले कारवाही अगाडि बढायो


काठमाडौं—स्वास्थ्य तथा जनसंख्या मन्त्रालयले सामाजिक संजालमा स्वास्थ्य बीमाको भ्रामक विज्ञापन गरेको पाइएपछि कारवाही प्रक्रिया अगाडि बढाएको छ । बिहीबार मन्त्रालयका प्रवक्ता डा. प्रकाश बुढाथोकीले एक विज्ञप्ती जारी गर्दै सामाजिक संजालमा स्वास्थ्य बीमाबारे भ्रामक विज्ञापन तथा सूचनाहरु प्रसारण गरेको पाइएको उल्लेख गरेका छन् ।

डा. बुढाथोकीले मन्त्रालयको लोगो प्रयोग गरी स्वास्थ्य तथा जनसंख्या मन्त्रालयको नाममा विभिन्न उमेर समूहका लागि निःशुल्क स्वास्थ्य बीमा भनेर सूचना तथा विज्ञापनि प्रसारण गरेको पाइएको जनाएका छन् । उनले तीन सूचना तथा विज्ञापनमा कुनै सत्यता नभएको भन्दैं त्यस्ता सूचना र विज्ञापनमा क्लिक नगर्न समेत आग्रह गरेका छन् ।

मन्त्रालयले यस्ता भ्रामक सूचना तथा विज्ञापन प्रसारण गर्नेमाथि कारवाही गर्ने चेतावी समेत दिएको छ । ‘यस्ता गलत तथा भ्रामक सूचना/विज्ञापन प्रसारण गर्नेहरुलाई विद्यमान कानुनअनुसार सम्बन्धी निकायमार्फत नियमानुसार कारवाही प्रक्रियासमेत अघि बढाइसकिएको जानकारी गराइन्छ,’ विज्ञप्तीमा छ ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ