काउन्सिलको विशेषज्ञ लाइसेन्स परीक्षामा ६६.३६ प्रतिशत पास

काठमाडौं-नेपाल मेडिकल काउन्सिलले लिएको विशेषज्ञ लाइसेन्स परीक्षामा ६६.३६ प्रतिशत पास भएका छन् । काउन्सिलले २३ कात्तिकमा विशेषज्ञ लाइसेन्स परीक्षामा लिएको थियो ।

काउन्सिलले प्रकाशित गरेको नतिजाअनुसार जम्मा ६५९ जनाले विशेषज्ञताको लाइसेन्स परीक्षाका लागि आवेदन दिएकामा  ४३६ जना पास भएका छन् ।

२२१ जना भने फेल भएका छन् । दुई जना भने अनुपस्थित रहेको काउन्सिलले जनाएको छ ।