२०८१ असार ५, मंगलबार
Health Aawaj logo
गृहपृष्ठसमाचारस्वास्थ्यमन्त्रीका निजी सचिवलाई योजना शाखाको पनि जिम्मा

स्वास्थ्यमन्त्रीका निजी सचिवलाई योजना शाखाको पनि जिम्मा


काठमाडौं—स्वास्थ्य तथा जनसंख्या मन्त्रालयको नीति तथा योजना शाखा प्रमुखमा स्वास्थ्यमन्त्रीका निजी सचिव भक्त जोशीलाई ल्याइएको छ । बिहीबार स्वास्थ्य तथा जनसंख्यामन्त्री प्रदीप यादवले मन्त्रीस्तरीय निर्णय गर्दै जोशीलाई उक्त शाखाको जिम्मेवारी दिएका हुन् ।

जोशीलाई मन्त्रीको निजी सचिवालयसँगै मन्त्रालयको महत्वपूर्ण शाखाको समेत गरी दोहोरो जिम्मेवारी दिइएको हो । यसअघि उक्त शाखा प्रमुखमा राजेश पन्थी थिए । पन्थीलाई गुणस्तर महाशाखामा सरुवा गरिएको छ ।

यस्तै, गुणस्तर महाशाखाका प्रमुख रहेका उपसचिव एकदेव खनाललाई जिल्ला समन्वय समितिका सरुवा भएको छ ।

स्वास्थ्य मन्त्रालयको नीति तथा योजना शाखा महत्वपूर्ण मानिन्छ । बजेट तर्जुमादेखि परिचालनसम्मका काम यो शाखाले हेर्ने गर्छ ।

उपसचिव जोशी यसअघि गगन थापा स्वास्थ्यमन्त्री हुँदा पनि सो शाखाको प्रमुख रहेका थिए ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ